OTENTIK (PESAWARAN) - Bupati Pesawaran Hai. Dendi Ramadhona K, ST, M.Tr.IP menerima Gelar Adat oleh Suttan Negara Bukuk Jadi (Paksi Bukuk Jadi Tegineneng) di kediaman Redhy Jupai Ningrat di Desa Gedung Gumanti Kec. Tegineneng Kab. Pesawaran, Sabtu (2/1/2021) sekirapukul 10.00 WIB.

Hadir dalam acara Pemberian Gelar Adat tersebut:

- Anggota DPR RI (Zulkifli Anwar)

- Bupati Pesawaran (H. Dendi Ramadhona K, ST, M. Tr.IP)

- Kepala Bapenda Kab. Pesawaran (Wildan SE)

- Anggota DPRD Kab. Pesawaran (Yusak SH)

- Kapolsek Tegineneng (AKP Abdul Roni SH)

- Camat Tegineneng (Syahruddin S.Pd. MM)

- Camat Negeri Katon (Rahmatullah)

- Tokoh Adat Lampung

- Kepala Desa Bumi Agung (Jamaludin)

- Kepala Desa Gedung Gumanti (Tobroni)

- Kepala Desa Kejadian (Jaya Sakti)

- Kepala Desa Negara Ratu Wates (Suhaimi)

- Kepala Desa Gunung Sugih Baru (Erson Heri)

- Kepala Desa Kota Agung (Chairul)

- Masyarakat yg hadir + - 100 orang

Bupati Sambutan Pesawaran Dendi Ramadhona K ST, M.Tr.IP mengatakan, Bismillahirrahmanirrahim,

Sai Sikindua hormati Kanjeng Suntan Negara Bukuk Jadi;

Sai Sikindua hormati Hulun Tuha H. Zulkifli Anwar, Suntan Pengatur Marga;

Sai Sikindua hormati Hulun Tuha H. Muaddin Yusuf, Suntan Ibu Marga;

Sai Sikindua hormati Hulun Tuha Bustami, Pemuka Agung;

Sai Sikindua hormati Punyimbang Marga, Punyimbang Buwai, Punyimbang Tiyuh, Tuala Hanau Marga Bukuk Jadi Teginenong Pesawaran;

Sai Sikindua hormati Tokoh Agama, Tokoh Masyarakat, Muli Jakhu Mekhanai sai Hadir dituwakat walin siji.

Alhamdulillah, lapah kham puja-jama ngungkapko selalu kesungguhan delom mensyukuri nikmat khik karunia Allah SWT, sai maha Rahman khik maha Rahim. Ulah kasih sayang, pengorbanan khik syafaat Rasul-Ne sai terkasih Muhammad SAW, kham dapok munsa “Petunjuk”  khik semoga kham delom khang laya sai khulus, sai kukuh, delom menempuh kehukhikan sampai kelak jama takdir-Ne. Hiji unyin ne bagian anjak ikhtiar kham, selalu berusaha nentuko pilihan delom ningkatko ketakwaan jama Allah SWT. Aamiin ya rabbal alamin.

Semakung Sikindua nyampai ko sambutan siji, sikindua ngucapko tekhima kasih sai sebalak-balakne jama kham seunyin segala Punyimbang Marga, Punyimbang Tiyuh, Pemuka Agama, Muli Jakhu Mekhanai umumne Kecamatan Teginenong, khususne Tiyuh Gedung Gumanti, sai khadu memenangko sikindua guwai periode sai kekhua kali haga jadi Bupati Pesawakhan 2021-2024. Mudah-mudahan bantu tulung kuti khumpok, sikindua jadi Bupati sai amanah khik diridhoi jama Allah SWT. Aamiin.

Punyimbang Tuha Khaja, Tuha Batin, Minak Muakhi seunyine sai sikindua banggako,

Khasa sai mak sikindua ungkapko delom acakha siji, secakha adat sikindua khadu dijuk kepekhcayaan, tanggungjawab secakha batin dijuk henguk penghanggum adok Umpu Bukuk Jadi, ulah sebab sina sikindua ngekhasa betanggungjawab secakha lahir khik batin delom khangka ngebina khik ngemajuko Adat-Budaya Pubian Telu Suku Marga Bukuk Jadi. Ulah sebab sina sikindua UMPU BUKUK JADI kilu bimbingan, arahan khik tuntunan anjak Punyimbang Tuha Khaja, Tuha Batin, Minak Muakhi seunyine Pubian Telu Suku untuk ngebudayako adat khik mengadatko budaya.

Punyimbang Tuha Khaja, Tuha Batin, Minak Muakhi seunyine sai sikindua banggako,

Umpu Bukuk Jadi ngucapko selamat khadu di aqiqohko anak umpu kham sai bugekhal MIKA NATJWA JAYA NINGRAT binti REDI JAYA NINGRAT. Mudah-mudahan sanak sina dijadiko Allah SWT sanak sai bubakti jama hulun tuha, keluarga, nusa bangsa khik agamane, sai paling penting anak atau umpu kham menjadi sanak sai sholehah khik selalu senantiasa sehat jasmani khik. Aamin.

Sina Gawoh sai dapok sikindua sampaiko delom yang siji, kantu mak nyaman di delom penyampaian bahasa sai kukhang pas, sikindua kilu mahaf ngalimpukha sai sebalak-balakne jama seunyin segala kuti khumpok puun, jama Allah SWT sikindua mohon ampun.

Semakung sikindua tutup tutup siji, izinko sikindua ngebacako pantun:

Gedung Gumanti Tiyuh ku

Anjak pina jejama

Kantu wat cawa keliru

Mahaf pun ngalimpukha

Mati memis ne madu

Lebih khasa jak gula

Pesawaran dapok maju

Kham ngebanun ne puja-jama

Billahi taufik wal hidayah

Wassalammualaikum Wr. Wb.

Giat dilaksanakan pengamanan oleh anggota Polsek Tegineneng. Giat selesai jam 12.00 berjalan dengan aman, lancar dan kondusif. (ida / rls)